nak cito pasal paneh ni plak.. huh!! semonjak 2 3 monjak ni makin monjadi2 plak kes buang bayi.. apo la nak jadik ngan dunio.. da macam trend la.. beranak yo buang.. beranak yo buang.. aduhaii manusio tak takut ko kau dengan azab api nerako?? Kok yo taknak anak tu bagi kek org yang nak.. den ghaso ghamai yg nak kalo kau tak mampu nak menjago eh.. sodih poit.. kosian sbb dio takdo doso apo..

sokian jo mukadimah...

Ari Jumaat aritu Puan Wife balik.. kato eh nak balik pilah sbb da lamo tak balik.. lagi pon bulan poso ni nak jugak la balik berbuko bersamo suami dan keluargo tercinto.. huhu.. jadi potang tu lopeh tutup kodai poie la mencarik juadah utk berbuko samo Puan Wife.. tp sblom tu da dapek dah spesel oder dr dio.. antaro eh.. Murtabak.. Air Soya ngan Taufu Fa.. pehtu boli lauk sikit utk sahur.. tp maso dio onda way call balik.. so den koba kek dio ari tgh ujan lobek ni.. kalo toruh ujan xdo la nak poie pasa.. jadi oder pon bertukar.. KFC jadi pilihan..

Lopeh da boli KFC.. ujan pon rodo.. den pon kayuh poie pasa Ramadhan.. boli jugak murabak, air soya ngan taufu fa. . utk den.. nasik dagang kepalo ikan terbaik.. RM3 yo poit.. pueh ati.. pehtu boli gulai ayam masak lomak.. pehtu berkayuh lak balik umah.. Puan Wife lambek sikit sampai eh.. da lopeh berbuko baru sampai.. tp sib baik la dio ado spare roti mo air lam keto.. den nunggu kek umah berbuko mo kurma ngan air yo dlu.. lopeh solat Maghrib Puan Wife sampai barulah makan sesamo..

Sabtu pagi kitorang gorak balik Kualo Pilah.. cuaco agak cantik perjalanan pon lancar.. keto tak banyak.. sampai Gontam lobih kurang pukol 11.. tp maso lalu kek Pokan Pilah Puan Wife da koba awal² nak poie boli tudung.. kek tompek biaso dio boli.. Sampai umah lepak2 jap dio call sepupu eh yg jugak adolah pemboli kain tudung terhebat.. kekekeke.. pukol 1 lobih kot den jadik drebar diorang poie molaksanokan misi. Pilih punyo pilih.. 6 holai Puan Wife boli.. tp bukan la tudung tu dio yg pakai sebona eh.. kengkawan eh mintak tlg bolikan.. nak rayo ni kan bule la Puan Wife carik duit sikit.. kekeke..

aishh ngantok plak raso eh ha.. nanti la den sambung laie..