Iyo tekau eh..!! Kali ni den nak publish cerito dlm bahaso nogori plak..

Poie Kelenek Lopeh Makan

Sojak pagi hati ghosah golisah sobab tak nyompek2an nak poie kelenek nak buek saringan HIV. Iyolah apo tak eh sojak somalam laie monunggu bilo maso eh buleh buek Rapid Test neh. Jadi tadi lopeh waktu makan den pon poie la ko kelenek kosihatan Tampin. Ari ni takdo la ghamai org cam semalam jadi ghaso eh takdo lamo nunggu agak eh. Bilo tyo yo kek org yg nunggu konter tu dio koba kojap laie. Yess!! cantik dah tu kojap laie.. dio soh den nunggu kek kusi dopan tu adolah dalam 15 minit kot. Bilo MA tu masuk bilik dio soh isik borang laie. Da isik tu baghu buleh amik darah eh..

Den pon da siap2 isik borang poie masuk balik jumpo MA tu. Dio takdo byk soal. Amik jarum toghuih cucuk jari den yg ensem neh.. tp daghah den takmo kuar byk lak.. "Apo daghah ekau ni susah kuar ni" kato MA tu.. "Osah to kodokut eh" kato eh laie.. kuang asam boto MA tu kato daghah den kodokut. Solosai tu dio soh tunggu kek luar dlm 10 minit da dapek keputusan eh.. dio da siap2 sign borang sumo dan keputusan eh dio dah seal. Takpek la den tgk keputusan eh.. ampeh laie sekali.

So skang da settle laie satu pekaro. Tingga nak amik gamba mo submit borang kek pejabat agamo yo laie. Alhamdulillah..

Tonghari Sobolom Poie Kelenek

Den dah 5 tahun dok Tampin ni.. baghu ari ni member den koba ado satu kodai makan kek area Gunung Tampin tu. Kodai makan ala2 kenduri kawen.. maksud eh "makan beghidang". Pergh lom ponah den makan bobayar camtu laie. Kalo makan free tu lain laa.. hahahaha. So tadi den poie la test mo member den neh.. Gunung Tampin tu pon kiro dalam sejarah jugak la ari ni den poie.. tp kodai tu kek kaki gunung tu yo. Den sampai2 yo takdo lak nmpk den kerusi mejo cam kodai makan tu. Rupo eh kono masuk lam ghumah org tu.. wakakaka.. adoiyaiii.. makan bobayar kek dalam ghumah..

Ni ado den amik gamba sikit tadi untuk sajian korang sumo..





Makan kek situ dio kiro kepalo.. 1 kepalo 5 hengget.. lauk eh tu deh ado 4 macam.. nasik semangkuk.. air sirap free. Tadi lauk eh.. Ikan masak asam podeh, kari ayam, sambal udang, sayur dan ulam..