Nak di jadikan cerito.. semalam atau lobih topat malam tadi.. den dah abih waktu kojo jadi den pon keluar nak balik tp sebolum tu den pikir laie baik den isi air dalam botol kek mesin air yg ado di kodai belakang. Den pon poie la cam biaso. Lopeh den isik air den pon jalan cam biaso. Menuju ke tompek biaso den parking keto. 2 tompek den biaso parking keto iaitu di lorong tongah antaro Nagoya dan Kodai Kain atau di lorong ujung antaro dinding (yg ponuh ngan mural yang teramat cantik di Tampin) dan kodai kasut.

Den pon terus jalan ke arah belakang Nagoya.. bilo sampai kek ujung kodai tu den pon tinjau tompek biaso den parking keto tp den tgk keto den tak ado.. haishhh.. polik lak.. mano lak poie eh.. den pon terus jalan kek lorong tu.. sampai ke bahagian dopan bangunan yang berbumbung.. den tgk keto den takdo gak kek situ.. tetibo den ghaso bedoba2.. raso comeh seketiko.. dari situ den bule nmpk sampai ke hujung dinding sebolah kodai kasut.. di mano den selalu parking keto kek situ.. dalam golap tu pon den bule perasan ado ko takdo keto kek ujung tu.. tp ternyato mmg takdo.. den jadik kompius.. bingung.. bengong.. hahahahaha.. pueh den mikirkan keto den lotak kek mano.. mmg den teraso blur ma amek maso tu..

den bejalan slow2 kearah ujung kodai kasut tu.. da nak sampai ujung kodai tu baru den dapek bepikir balik dan den ingat balik.. keto den ado parking boto2 kek sebolah mesin air den isik tadi.. wakakaka.. ampeh boto laa.. camno la den bule tak perasan keto parking kek situ.. adoiyaiii..